Atuartut sisamaagaangata aallartitsinerit pingasut naammassineqartarput
Ukiumi atuarfiusumi 2016/17-imi efterskolernerit 337-it naammassineqarput, taakkunannga missiliorlugu pingajorarterutaat kalaallit efterskoliininngaanneerput.
Tabel 2. Ingerlatsinerit naammassineqartut amerlassusaat, ukioq atuarfiusoq malillugu
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDESD)
Ataani takuneqarsinnaavoq ukiuni kingullerni naammassinnittarnermut procentip agguaannera, atuarfiit malillugit. Efterskolit ataatsimut naammassinnittarnermut procentiat qiviaraanni ukiumi atuarfiusumi 2016/17-imi missiliorlugu 77 pct.-imiippoq. Agguaqatigiissillugu annertunerpaaq missiliorlugu 82 pct.-imiilluni ukiumi atuarfiusumi 2012/13-iminngaanneerpoq. Agguaqatigiissillugulu annikinnerpaaq missiliorlugu 73 pct.-imiilluni ukiumi atuarfiusumi 2016/17-iminngaanneerpoq.
Titartagaq 4. Naammassinnittarnermut procentip agguaannera, efterskolit aammalu ukioq atuarfiusoq malillugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDESA aammalu http://bank.stat.gl/UDDESD).
Efterskole Villads Villadsenimi aallartitsinerit tamakkerlutik 2/3-ii ukiuni atuarfiusuni kingullermi tallimani naammassineqarsimapput. Agguaqatigiissillugu annikinnerpaaq missiliorlugu 60 pct.-iulluni ukiumi atuarfiusumi 2016/17-iminngaanneerpoq. Maniitsumi Efterskoli naammassinnittarnermut procentimi annerpaamik qaffariaateqarpoq. Ukiumit atuarfiusumit 2013/14-imit ukiumut atuarfiusumut 2014/15-imut missiliorlugu 16 procentpoint-inik qaffariartoqarsimavoq. Naammassinnittarnermut procenti ukiumi atuarfiusumi 2016/17-imi missiliorlugu 76 pct.-iusimavoq. Kalaallit Nunaanni efterskolinut sanilliullugit Danmarkimi efterskolit annertunernik naammassinnittarnernut procenteqarsimapput. Ukiunili atuarfiusuni kingullerni tallimani appariartoqarsimavoq, tassani ukiuni atuarfiusuni kingullerni ukiumit atuarfiusumit 2012/13-imit missiliorlugu 91 pct.-imit ukiumut atuarfiusumut 2012/13-imut missiliorlugu 83 pct.-imut appariarsimalluni.